Conselho de Imprensa de Timor-Leste

Conselho de Imprensa Timor-Leste estabelese bazeia ba Lei Komunikasaun Sosial Nú: 5/2014 liuhosi Dekretu-Lei Nú: 25/2015 hodi hatuur ona natureza Conselho de Imprensa hanesan entidade administrativa independente, hetan autonomia administrativa, finanseira, iha patrimóniu rasik atu orienta ninia atividade tuir prioridade sira ne'ebé mak identifikadu. Conselho de Imprensa mai ho ninia papel importante mak: Promove liberdade ba espresaun no imprensa; Promove independénsia ba meius komunikasaun sosiál nian hosi kualkér influénsia indivíduu, grupu ka interese polítiku no ekonómiku sira; Asegura katak asesu ba profisaun jornalista nian sei halo tuir kondisaun legál sira ne'ebé bele aplika; Promove no asegura atu atividade jornalista sira nian bele dezenvolve ho profisionalizmu hodi respeita padraun étiku aas no ho kualidade; no Promove diálogu entre orgaun komunikasaun social, sosiedade no ho orgaun estadu sira seluk. Tamba ne'e prioridadi Conselho de Imprensa nian mak: Produs regulamentu sira ne'ebe tuir mai hodi asegura liberdade Imprensa; Dezemvolve no Analiza Media hodi promove Liberdade Imprensa; Dezemvolve Parseria no Promove Kooperasaun Institusional; Dezemvolve Rekursu Humanu no Jestaun Instituisaun Conselho de Imprensa;