Public Association

Асоцијацијата за истражување, комуникации и за развој, ПАБЛИК, од почетокот на 2015 година почнува нова фаза во своето работење. Откако се ребрендираше од Центар за медиумски активности (ЦМА) во ПАБЛИК, асоцијацијата постави нова организациска структура и е целосно посветена на развој на проекти чии што резултати директно влијаат врз главните столбови на кои се темели нашата визија – општество со еднакви можности и свесност и вклученост на граѓаните во неговото креирање. Соочени со недостиг на релевантни информации, базирани на истражувачки податоци во општествените сфери кои се во фокусот на интерес на ПАБЛИК, решивме дека е вистински момент за промени по 12 години постоење на ЦМА. Утврдивме дека организацијата преку уличното списание кое го издава, „Лице в лице", добива видливост и сериозна поддршка од граѓаните, но не може да направи суштински промени и влијание врз политиките доколку ги нема потребните информации – до каде сме и што треба да направиме (базирано на научни истражувања). Од друга страна и на граѓаните кои ја даваат својата поддршка, потребно им е да се јасно информирани, што би било основа за понатамошна подлабока поддршка, а кога ќе имаат информација, ќе оформуваат ставови базирани на вистини. Со комуникациските методи пак, информираните граѓани, кои на ваков начин ја развиваат критичката мисла, стануваат свесни за својата улога во општеството и го стекнуваат или јакнат чувството за општеството како целина