VIDAN

"Видан" ХХК нь Гадаад худалдаа импортын чиглэлээр 2013 онд байгуулагдан үйл ажиллагаагаа явуулж тус салбарт хэдийнээ тэргүүлэгч болж хэрэглэгчдийнхээ найдвартай түнш болон ажиллаж байгаа билээ. Тус компани нь Европын Холбооны томоохон улс болох Польш, Герман, Бельги, Испани, Узбекистан, Молдав, ОХУ зэрэг улсуудаас импортоор алим, лийр, усан үзэм, банана, мандарин, жүрж, тоор, интоор, киви, нимбэг зэрэг 10 гаруй төрлийн жимс, жимсгэнэ мөн Польш улсаас гүн хөлдөөсөн жимс ногоог хэрэглэгчиддээ тасралтгүй найдвартай нийлүүлж байна. Манай компани нь Европын холбооны улсын стандарт шаардлагад нийцсэн, нэмэлт химийн бордоогүй тариалангын талбайд тарьж ургуулсан, органик, ямар нэг генетикийн өөрчлөлтгүй жимс жимсгэнийг зориулалтын хөргүүртэй автомашинаар чанарын өндөр түвшинд тээвэрлэн импортолж, зориулалтын стандартын шаардлага хангасан агуулахдаа хадгалан хэрэглэгч та бүхэнд хүргэж байна. Манай компанийн бүтээгдэхүүнүүд нь Улаанбаатар хотын томоохон сүлжээ дэлгүүрүүд болон бусад хүнсний дэлгүүрүүд, худалдааны төвүүдээр худалдаалагддаг төдийгүй хөдөө орон нутагт захиалгаар хүргэх үйлчилгээг үзүүлдэг. Мөн манай нэрийн дэлгүүрүүд нь Хүннү 2222 хороолол, Саруул худалдааны төвд байрлан үйл ажиллагаагаа явуулж байна. Бид үйл ажиллагаагаа өргөжүүлж хэрэглэгчиддээ илүү ойр, амар хялбар байх үүднээс "Хайрцаг дүүрэн жимс, Гэр дүүрэн жаргал" уриатайгаар худалдан авагч нарынхаа гэрт нь жимс хүргэх үйлчилгээг анхлан санаачилж одоог хүртэл үйл ажиллагаагаа улам боловсронгуй болгож амжилттай хэрэгжүүлсээр байна. Энэхүү үйлчилгээ нь өргөжихийн хэрээр хэрэглэгч та хүссэн газраасаа, өөрийн хэрэгцээт бүтээгдэхүүнээ, боломжит цагтаа онлайнаар захиалга өгөн, худалдан авалт хийх, найдвартай, түргэн шуурхай боломжит үйлчилгээг бид нэвтрүүлэн ажиллаж байна.