Gjaldstovan

Gjaldstovan er stovnur undir Fíggjarmálaráðnum. Ábyrgdarøkið hjá okkum kann býtastt sundur í hesar høvuðsuppgávur: KT Landsins Deildin umsitur Landsnet og hevur uppgávuna at veita almennum stovnum KT tænastur og samskipa KT hjá landinum á yvirskipaðum stigi, so tað almenna fær munadyggar KT loysnir. Búskaparskipan Landsins Landsins stovnar hava atgongd til skipanina at fremja sínar uppgávur innan búskaparumsiting. Hetta er skipað sum integrerað tænasta á Landsneti. Landsins roknskaparverk Vit hava um hendi yvirskipaðu bókhalds- og roknskapar uppgávurnar fyri landið. Bókhald og løn Vit føra vanligt bókhald og lønarbókhald fyri lítlar stovnar og førir bókhaldið fyri millumrokningina millum land og kommunur. Roknskapur Vit gera mánaðarroknskapir og ársroknskapin. Karmur um hetta arbeiði er roknskapargóðkennningarskipanin. Útgjaldsskipan landsins Vit avgreiðar allar útgjaldingar úr landskassanum og stemmar av gjaldingar. Vit veita gjaldføri til stovnarnar. Leiðslukunning Allar viðkomandi dátur verða vístar í leiðslukunningarskipanum. Politikkurin er, at ongar týdningarmiklar dátur eru longri burtur enn 5 sekund. KT trygd Umframt at tryggja dátur í Búskaparskipan landsins og Landsneti, so kunnu stovnarnir brúka tilfar og arbeiðshættir, sum eru ment á hesum øki. Talgildu Føroyar Talgilda undirstøðukervið við Samleikanum, Vanganum og Heldini er staðsett á Gjaldstovuni.