Aleksandra Ivanovska

PHOENIX Pharma Macedonia

Како членка на групацијата ФЕНИКС горди сме што сме дел од најдобриот интегриран давател на здравствени услуги. Преку нашите компании Феникс Фарма и Европа Лек Фарма (ЕЛ Фарма) нудиме широк спектар на дополнителни услуги за нашите партнери, а преку партнерската програма BETTY обезбедуваме највисок стандард на фармацевтска услуга. Квалитет и безбедно складирање на производите, највисоки стандарди за квалитет во целиот процес на дистрибуција, притоа обезбедувајќи континуитет во испораката, најширок асортиман на производи на пазарот и уникатен пристап кон секој наш клиент се одликите на деловното работење во нашите компании. Феникс Фарма ДООЕЛ е членка на групацијата ФЕНИКС од 2010 година. Работи на пазарот во Северна Македонија како веледрогерија за лекови и други фармацевтски производи. Повеќе од една деценија, компанијата е активен учесник во здравствениот систем на Северна Македонија и еден од клучните фактори во обезбедување на континуитет во испораката на фармацевтски производи. Соработуваме со сите клучни производители на фармацевтски производи во земјата и странство, а преку дистрибутивниот центар во Скопје снабдуваме болници, аптеки, здравствени домови и друго. ЕЛ Фарма (Европа Лек Фарма) е членка на групацијата ФЕНИКС од 2010 година, основана со цел да обезбеди дополнителни услуги во фармацевтскиот сектор. Како давател на услуги низ целиот фармацевтски синџир на снабдување, од производители до пациенти, на нашите партнери им обезбедуваме поддршка за целиот регион на Централна и Источна Европа (ЦИЕ), почнувајќи од процесот на регистрација на лекови или медицински помагала, увоз и дистрибуција, лансирање, позиционирање и други активности во маркетингот. За повеќе информации посетете ги нашите официјални веб-страници: www.phoenixpharma.com.mk www.elpharma.com.mk