Ayshan Hunbatli

PROSYS

2010-cu ildə təsis olunmuş PROSYS MMC informasiya və kommunikasiya texnologiyaları üzrə ixtisaslaşmış sistem inteqrator şirkətidir. PROSYS şirkəti İKT avadanlıqlarını, proqram təminatlarını və xidmətlərini təmin edir, İKT layihələrin texniki tapşırıqlarının hazırlanması, idarə olunması, tətbiqini və sənədləşdirilməsini həyata keçirir. Şirkətimizdə xarici ölkələrdə İKT sahəsində qabaqcıl şirkətlərdə beynəlxalq təcrübə qazanmış, xarici ölkələrdə və respublikamızda beynəlxalq səviyyəli kompleks həll layihələrinin idarə edilməsində və tətbiqində iştirak etmiş, beynəlxalq sertifikatlara sahib mütəxəssislər çalışmaqdadır. PROSYS şirkəti öz məhsulları olan ERP (ERPpro: HRMpro - insan resursları və əmək haqqı, PMSpro - satınalma və təchizat, FMSpro - maliyyə və mühasibatlıq, FAMpro - əsas vəsaitlər, CMSpro - müqavilələrin idarə olunması), CRM (CRMpro), Elektron sənəd dövriyyəsi (DMSpro) və Müraciətlərin idarə olunması (TMSpro) proqram təminatlarının tətbiq edilməsi ilə yanaşı müştərilərin tələbləri əsasında proqram təminatının işlənib hazırlanması, telekommunikasiya, lokal və qlobal şəbəkə, informasiya təhlükəsizliyi və server avadanlıqlarının quraşdırılması üzrə layihələrin idarə edilməsini və tətbiqini həyata keçirir. Şirkətimiz müştərilərə İKT sahəsində Avaya, Cisco, Checkpoint, HID, Fargo, Microsoft, Oracle, HP, Asseco, Tibco Spotfire, Fortinet, F5, Apollo kimi öz sahələrində dünyanın aparıcı şirkətlərinin texnoloji həllərini təmin edir. Şirkətimizin əsas meyarları keyfiyyət, etibarlılıq və xidmət səviyyəsinin yüksəldilməsidir.